- O actual secretario xeral, Jonathan Da Silva, anunciou, tras seis anos no cargo, que non optará á reelección e que seguirá axudando os vindeiros anos "no que me pidan e cun rol diferente"
-
Jonathan Da Silva: "Por cada enchufado na Deputación, hai hoxe
trinta parados na nosa provincia e deben saber que hai xente disposta
a deixarse a pel para que ninguén se ría deles".
Ourense,
13 de Decembro de 2013
Mañá,
sábado 14 de Decembro, as 20:00 h, na sede do PSdeG en Ourense,
celebrarase a asamblea extraordinaria da agrupación local das
Xuventudes Socialistas de Ourense. Tras seis anos (tres mandatos de
dous) ao frente da secretaría xeral da agrupación, Jonathan Da
Silva anunciou que non optará á reeleción.
O,
ata mañá, secretario xeral, deixa o cargo "agradecido
a todas e todos os compañeiros polo traballo realizado en tempos nos
que é moi difícil manter a motivación" e "convencido de
que a mensaxe das Xuventudes Socialistas, a necesidade de impulsar un
cambio na idiosincrasia política da provincia, ten como único motor
posible a acción política conxunta de todas e todos os
socialistas".
Considera
que ese ten que ser o camiño, "por
xustiza, pero tamén para gañarnos a confianza dos cidadáns. Os
números non fallan - dí-: por cada enchufado hoxe na Deputación,
hai 30 parados na nosa provincia, que teñen que saber que hai xente
disposta a deixarse a pel para que ninguén se ría deles"
Con
respecto ao goberno municipal, "considera que os socialistas
estamos protagonizar os anos de maior progreso para a nosa cidade
pero, lamentablemente, tamén estamos a xerar un desencanto na
cidadanía que, faga ou non xustiza, non se pode obviar. Dí Da Silva
que "neste escenario, a organización, a súa vocación e
o seu compromiso cos cidadáns deben estar moi por riba de calquera;
e que na medida na que todos sexamos humildes e conscientes delo,
nada é irreversible e que o Partido Socialista, como ferramenta de
cambio aberta e colectiva, ten capacidade e capital humano
suficiente para construir un proxecto que permita renovar a confianza
dos ourensáns."
Á
xuntanza acudirán diversos cargos orgánicos e institucionais do
PSdeG como o alcalde de Ourense, Agustín Fernández, a secretaria xeral da agrupación local do PSdeG, Carmen Rodríguez, o secretario
xeral da executiva provincial e parlamentario autonómico Raúl
Fernández ou Laura Seara, deputada do PSOE pola provincia.